नकि॒र्ह्ये᳚षां ज॒नूंषि॒ वेद॒ ते अ॒ङ्ग वि᳚द्रे मि॒थो ज॒नित्र᳚म् ॥
पदपाठः (Word-by-word)
नकिः᳚ । हि । ए॒षा॒म् । ज॒नूंषि᳚ । वेद᳚ । ते । अ॒ङ्ग । वि॒द्रे॒ । मि॒थः । ज॒नित्र᳚म् ॥
सायणभाष्यम् (Sayana Commentary)
एषां मरुतां जनूंषि जन्मानि नकिर्हि वेद कश्चिदपि नखलु जानाति ते तादृशाः मरुतः मिथः परस्परं जनित्रं रुद्रपृश्निभ्यां सकाशात् प्रादुर्भूतं स्वकीयं जन्म अंग विद्रे स्वयमेवविदन्ति ॥ २ ॥