इ॒मे तु॒रं म॒रुतो᳚ रामयन्ती॒मे सह॒ः सह᳚स॒ आ न᳚मन्ति ।
इ॒मे शंसं᳚ वनुष्य॒तो नि पा᳚न्ति गु॒रु द्वेषो॒ अर᳚रुषे दधन्ति ॥
इ॒मे शंसं᳚ वनुष्य॒तो नि पा᳚न्ति गु॒रु द्वेषो॒ अर᳚रुषे दधन्ति ॥
पदपाठः (Word-by-word)
इ॒मे । तु॒रम् । म॒रुतः᳚ । र॒म॒य॒न्ति॒ । इ॒मे । सहः᳚ । सह᳚सः । आ । न॒म॒न्ति॒ ।
इ॒मे । शंस᳚म् । व॒नु॒ष्य॒तः । नि । पा॒न्ति॒ । गु॒रु । द्वेषः᳚ । अर᳚रुषे । द॒ध॒न्ति॒ ॥
इ॒मे । शंस᳚म् । व॒नु॒ष्य॒तः । नि । पा॒न्ति॒ । गु॒रु । द्वेषः᳚ । अर᳚रुषे । द॒ध॒न्ति॒ ॥
सायणभाष्यम् (Sayana Commentary)
इमे ईदृशोमरुतः तुरं कर्मसु क्षिप्रवन्त् यजमानं रमयन्ति क्रीडयन्ति इमे मरुतः सहः सहसा बलेन सहसोबलवतोजनान् आनमन्ति इमे मरुतः वनुष्यतोहिंसकात् पुरुषात् शंसं शंसकं स्तोतारं निपान्ति नितरांपालयन्ति अररुषे हविरप्रयच्छते जनाय गुरु महत् द्वेषः अप्रियं दधन्ति कुर्वन्ति ॥ १९ ॥