इ॒मे र॒ध्रं चि᳚न्म॒रुतो᳚ जुनन्ति॒ भृमिं᳚ चि॒द्यथा॒ वस᳚वो जु॒षन्त᳚ ।
अप᳚ बाधध्वं वृषण॒स्तमां᳚सि ध॒त्त विश्वं॒ तन᳚यं तो॒कम॒स्मे ॥
अप᳚ बाधध्वं वृषण॒स्तमां᳚सि ध॒त्त विश्वं॒ तन᳚यं तो॒कम॒स्मे ॥
पदपाठः (Word-by-word)
इ॒मे । र॒ध्रम् । चि॒त् । म॒रुतः᳚ । जु॒न॒न्ति॒ । भृमि᳚म् । चि॒त् । यथा᳚ । वस᳚वः । जु॒षन्त᳚ ।
अप᳚ । बा॒ध॒ध्व॒म् । वृ॒ष॒णः॒ । तमां᳚सि । ध॒त्त । विश्व᳚म् । तन᳚यम् । तो॒कम् । अ॒स्मे इति᳚ ॥
अप᳚ । बा॒ध॒ध्व॒म् । वृ॒ष॒णः॒ । तमां᳚सि । ध॒त्त । विश्व᳚म् । तन᳚यम् । तो॒कम् । अ॒स्मे इति᳚ ॥
सायणभाष्यम् (Sayana Commentary)
इमे मरुतः रध्रं चित् समृद्धमपि जनं जुनन्ति प्रेरयन्ति भृमिं चित् भ्रमणशीलमपि दरिद्रं जुनन्ति प्रेरयन्ति वसवोवासकादेवाः युष्मान् यथा जुषन्त कामयेरन् हे वृषणः कामानांवर्षितारस्ते यूयं तमांसि अपबाधध्वं नाशयत । अपिच अस्मे अस्मभ्यं विश्वं बहुलं तोकं पुत्रं तनयं पौत्रं च धत्त प्रयच्छत ॥ २० ॥