शु॒भ्रो व॒ः शुष्म॒ः क्रुध्मी॒ मनां᳚सि॒ धुनि॒र्मुनि᳚रिव॒ शर्ध᳚स्य धृ॒ष्णोः ॥
पदपाठः (Word-by-word)
शु॒भ्रः । वः॒ । शुष्मः᳚ । क्रुध्मी᳚ । मनां᳚सि । धुनिः᳚ । मुनिः᳚॑इव । शर्ध᳚स्य । धृ॒ष्णोः ॥
सायणभाष्यम् (Sayana Commentary)
हे मरुतः वोयुष्माकं शुष्मोबलं शुभ्रः सर्वतः शोभमानं किंच वो मनांसि क्रुध्मी संग्रामेषु शत्रुहननार्थं क्रोधनशीलानि धृष्णोर्धर्षणशीलस्य शर्धस्य बलवतोयुष्मदीयस्य गणस्य धुनिः वृक्षादीनां कंपयितुः वेगः मुनिरिव मननान्मुनिः स्तोता सयथा बहुविधं शब्दमुत्पादयति एवं बहुविधशब्दस्योत्पादकइत्यर्थः ॥ ८ ॥