इन्द्रा᳚य सोम॒ सुषु᳚त॒ः परि᳚ स्र॒वापामी᳚वा भवतु॒ रक्ष᳚सा स॒ह ।
मा ते॒ रस᳚स्य मत्सत द्वया॒विनो॒ द्रवि᳚णस्वन्त इ॒ह स॒न्त्विन्द᳚वः ॥
मा ते॒ रस᳚स्य मत्सत द्वया॒विनो॒ द्रवि᳚णस्वन्त इ॒ह स॒न्त्विन्द᳚वः ॥
पदपाठः (Word-by-word)
इन्द्रा᳚य । सो॒म॒ । सु॑सु᳚तः । परि᳚ । स्र॒व॒ । अप᳚ । अमी᳚वा । भ॒व॒तु॒ । रक्ष᳚सा । स॒ह ।
मा । ते॒ । रस᳚स्य । म॒त्स॒त॒ । द्व॒या॒विनः᳚ । द्रवि᳚णस्वन्तः । इ॒ह । स॒न्तु॒ । इन्द᳚वः ॥
मा । ते॒ । रस᳚स्य । म॒त्स॒त॒ । द्व॒या॒विनः᳚ । द्रवि᳚णस्वन्तः । इ॒ह । स॒न्तु॒ । इन्द᳚वः ॥
सायणभाष्यम् (Sayana Commentary)
हे सोम त्वं सुषुतः सुष्ठु अभिषुतःसन् इन्द्राय इन्द्रार्थं परिस्रव परितः स्रव गच्छ रसंमुंच । अमीवारोगः रक्षसासह अपभवतु अपगतोवियुक्तोभवतु ते तव रसस्य स्वां- शंरसंपीत्वा मामत्सत मामाद्यन्तु के द्वयाविनः द्वयं सत्यानृतं तेनयुक्ताः पापिनइत्यर्थः किंच इन्दवस्तेरसाः इहास्मिन्यज्ञे द्वविणस्वन्तः धनवंतः सन्तु भवन्तु ॥ १ ॥