अ॒स्मान्त्स᳚म॒र्ये प᳚वमान चोदय॒ दक्षो᳚ दे॒वाना॒मसि॒ हि प्रि॒यो मदः᳚ ।
ज॒हि शत्रू{4}᳚र॒भ्या भ᳚न्दनाय॒तः पिबे᳚न्द्र॒ सोम॒मव᳚ नो॒ मृधो᳚ जहि ॥
ज॒हि शत्रू{4}᳚र॒भ्या भ᳚न्दनाय॒तः पिबे᳚न्द्र॒ सोम॒मव᳚ नो॒ मृधो᳚ जहि ॥
पदपाठः (Word-by-word)
अ॒स्मान् । स॒॑म॒र्ये । प॒व॒मा॒न॒ । चो॒द॒य॒ । दक्षः᳚ । दे॒वाना᳚म् । असि᳚ । हि । प्रि॒यः । मदः᳚ ।
ज॒हि । शत्रू᳚न् । अ॒भि । आ । भ॒न्द॒ना॒॑य॒तः । पिब᳚ । इ॒न्द्र॒ । सोम᳚म् । अव᳚ । नः॒ । मृधः᳚ । ज॒हि॒ ॥
ज॒हि । शत्रू᳚न् । अ॒भि । आ । भ॒न्द॒ना॒॑य॒तः । पिब᳚ । इ॒न्द्र॒ । सोम᳚म् । अव᳚ । नः॒ । मृधः᳚ । ज॒हि॒ ॥
सायणभाष्यम् (Sayana Commentary)
हे पवमानसोम अस्मान् समर्थे संग्रामे चोदय प्रेरय दक्षोह्यसि समर्थः खलु भवसि देवानांमध्ये । यद्वा देवानां प्रीणनाय दक्षोसि यद्वा दक्षस्त्वं देवानांप्रियः प्रियकरोमदोमा- दयितासि हि । जहिचशत्रुनस्माकं अभ्यागच्छचास्मान् प्रति । भंदनाःस्तुतग्रः भंदतेःस्तुतिक- र्मणः ताइच्छतः पिब हे इन्द्र सोमं अवजहि नोस्माकं संग्रामकारिणो जहि मृधः संग्रा- मात् ॥ २ ॥