अत्यं᳚ मृजन्ति क॒लशे॒ दश॒ क्षिप॒ः प्र विप्रा᳚णां म॒तयो॒ वाच᳚ ईरते ।
पव᳚माना अ॒भ्य᳚र्षन्ति सुष्टु॒तिमेन्द्रं᳚ विशन्ति मदि॒रास॒ इन्द᳚वः ॥
पव᳚माना अ॒भ्य᳚र्षन्ति सुष्टु॒तिमेन्द्रं᳚ विशन्ति मदि॒रास॒ इन्द᳚वः ॥
पदपाठः (Word-by-word)
अत्य᳚म् । मृ॒ज॒न्ति॒ । क॒लशे᳚ । दश᳚ । क्षिपः᳚ । प्र । विप्रा᳚णाम् । म॒तयः᳚ । वाचः᳚ । ई॒र॒ते॒ ।
पव᳚मानाः । अ॒भि । अ॒र्ष॒न्ति॒ । सु॒॑स्तु॒तिम् । आ । इन्द्र᳚म् । वि॒श॒न्ति॒ । म॒दि॒रासः᳚ । इन्द᳚वः ॥
पव᳚मानाः । अ॒भि । अ॒र्ष॒न्ति॒ । सु॒॑स्तु॒तिम् । आ । इन्द्र᳚म् । वि॒श॒न्ति॒ । म॒दि॒रासः᳚ । इन्द᳚वः ॥
सायणभाष्यम् (Sayana Commentary)
अत्यमतनवन्तमश्वस्थानीयंवा सोमं कलशे दशक्षिपोदशांगुलयः अध्वर्युसंबन्धिन्योमृ- जन्ति शोधयन्ति । तथा विप्राणांमध्ये मतयः स्तोतारोवाचः स्तुतीरीरते प्रेरयन्ति । पव- मानाः सोमाः अभ्यर्षन्ति । अभिगच्छन्ति । सुष्टुतिं शोभनस्तुतिं इन्द्रं मदिरासोमदकराइन्द वः सोमाः आविशंति प्रविशन्ति ॥ ७ ॥