कनि᳚क्रदत्क॒लशे॒ गोभि᳚रज्यसे॒ व्य१॒᳚व्ययं᳚ स॒मया॒ वार᳚मर्षसि ।
म॒र्मृ॒ज्यमा᳚नो॒ अत्यो॒ न सा᳚न॒सिरिन्द्र᳚स्य सोम ज॒ठरे॒ सम᳚क्षरः ॥
म॒र्मृ॒ज्यमा᳚नो॒ अत्यो॒ न सा᳚न॒सिरिन्द्र᳚स्य सोम ज॒ठरे॒ सम᳚क्षरः ॥
पदपाठः (Word-by-word)
कनि᳚क्रदत् । क॒लशे᳚ । गोभिः᳚ । अ॒ज्य॒से॒ । वि । अ॒व्यय᳚म् । स॒मया᳚ । वार᳚म् । अ॒र्ष॒सि॒ ।
म॒र्मृ॒ज्यमा᳚नः । अत्यः᳚ । न । सा॒न॒सिः । इन्द्र᳚स्य । सो॒म॒ । ज॒ठरे᳚ । सम् । अ॒क्ष॒रः॒ ॥
म॒र्मृ॒ज्यमा᳚नः । अत्यः᳚ । न । सा॒न॒सिः । इन्द्र᳚स्य । सो॒म॒ । ज॒ठरे᳚ । सम् । अ॒क्ष॒रः॒ ॥
सायणभाष्यम् (Sayana Commentary)
हेसोम कनिक्रदत् शब्दंकुर्वन् कलशॆवर्तमानो गोभिः पयोभिः अज्यसे सिक्तोभवसि । अव्ययं अविमयं वारं वालं दशापवित्रं समया तत्समीपे व्यर्षसि विविधंगच्छसि मर्मृ- ज्यमानः शोध्यमानः अत्योन अश्वइव सानसिः संभजनशीलस्त्वं हेसोम इन्द्रस्यजठरे समक्षरः सम्यक् क्षरसि ॥ ५ ॥