शु॒म्भमा᳚ना ऋता॒युभि᳚र्मृ॒ज्यमा᳚ना॒ गभ᳚स्त्योः ।
पव᳚न्ते॒ वारे᳚ अ॒व्यये᳚ ॥
पव᳚न्ते॒ वारे᳚ अ॒व्यये᳚ ॥
पदपाठः (Word-by-word)
शु॒म्भमा᳚नाः । ऋ॒त॒यु॑भिः᳚ । मृ॒ज्यमा᳚नाः । गभ᳚स्त्योः ।
पव᳚न्ते । वारे᳚ । अ॒व्यये᳚ ॥
पव᳚न्ते । वारे᳚ । अ॒व्यये᳚ ॥
सायणभाष्यम् (Sayana Commentary)
ऋतायुभिर्यज्ञकामैः शुंभमानाः अलंक्रियमाणा गभस्त्योः गभस्तिभ्यां बाहुभ्याम् । गभ- स्ती बाहू इति बाहुनामसुपाठात् । मृज्यमानाः शोध्यमानाः सोमाः अव्यये अविमये वारे वाले पवित्रे पवन्ते क्षरन्ति ॥ ५ ॥