म॒हा{4} अ᳚सि सोम॒ ज्येष्ठ᳚ उ॒ग्राणा᳚मिन्द॒ ओजि᳚ष्ठः ।
युध्वा॒ सञ्छश्व᳚ज्जिगेथ ॥
युध्वा॒ सञ्छश्व᳚ज्जिगेथ ॥
पदपाठः (Word-by-word)
म॒हान् । अ॒सि॒ । सो॒म॒ । ज्येष्ठः᳚ । उ॒ग्राणा᳚म् । इ॒न्दो॒ इति᳚ । ओजि᳚ष्ठः ।
युध्वा᳚ । सन् । शश्व᳚त् । जि॒गे॒थ॒ ॥
युध्वा᳚ । सन् । शश्व᳚त् । जि॒गे॒थ॒ ॥
सायणभाष्यम् (Sayana Commentary)
हे सोम त्वं महानसि यतस्त्वं देवानां प्रीणयितासि खलु त्वं ज्येष्ठः प्रशस्यतमोभवसि । किंच हे इंदो पवमान त्वमुग्राणामुद्गूर्णबलानामपि ओजस्वितमोभवसि त्वं युध्वासन् शत्रू- भिः सह युद्धं कुर्वन् एव शश्वत् सर्वदा जिगेथ तान् तेषां धनानिच जित्वानसि । जिजये थलि सन् लिटोर्जेरिति अभ्यासादुत्तरस्य कवर्गादेशः ॥ १६ ॥