प्र त᳚ आ॒शवः᳚ पवमान धी॒जवो॒ मदा᳚ अर्षन्ति रघु॒जा इ᳚व॒ त्मना᳚ ।
दि॒व्याः सु᳚प॒र्णा मधु᳚मन्त॒ इन्द᳚वो म॒दिन्त᳚मास॒ः परि॒ कोश᳚मासते ॥
दि॒व्याः सु᳚प॒र्णा मधु᳚मन्त॒ इन्द᳚वो म॒दिन्त᳚मास॒ः परि॒ कोश᳚मासते ॥
पदपाठः (Word-by-word)
प्र । ते॒ । आ॒शवः᳚ । प॒व॒मा॒न॒ । धी॒॑जवः᳚ । मदाः᳚ । अ॒र्ष॒न्ति॒ । र॒घु॒जाः॑इ᳚व । त्मना᳚ ।
दि॒व्याः । सु॒॑प॒र्णाः । मधु᳚॑मन्तः । इन्द᳚वः । म॒दिन्॑त᳚मासः । परि᳚ । कोश᳚म् । आ॒स॒ते॒ ॥
दि॒व्याः । सु॒॑प॒र्णाः । मधु᳚॑मन्तः । इन्द᳚वः । म॒दिन्॑त᳚मासः । परि᳚ । कोश᳚म् । आ॒स॒ते॒ ॥
सायणभाष्यम् (Sayana Commentary)
हे पवमान पूयमान सोम ते ता आशवोव्याप्ताः धीजवोमनोवेगामदाः मदकरारसाः अर्षन्ति गच्छन्ति त्मना आत्मनैव अनायासेनइत्यर्थः । कइव रघुजाइव रघुःशीघ्रगावडवा तत्रजाता रघुजास्तेइव निर्गतास्तेदित्र्याः दिविभवाः अन्तरिक्षे दशापवित्रे धार्यमाणाइत्य- र्थः । सुपर्णाः सुपतनाः मधुमन्तोमाधुर्योपेताः मदिन्तमासः अतिशयेनमादयितृतमाः इन्द- वोदीप्तारसाः कोशंद्रोणकलशं पर्यासते पर्युपविशंति ॥ १ ॥