प्र ते॒ धारा॒ अत्यण्वा᳚नि मे॒ष्य᳚ः पुना॒नस्य᳚ सं॒यतो᳚ यन्ति॒ रंह᳚यः ।
यद्गोभि᳚रिन्दो च॒म्वो᳚ः सम॒ज्यस॒ आ सु᳚वा॒नः सो᳚म क॒लशे᳚षु सीदसि ॥
यद्गोभि᳚रिन्दो च॒म्वो᳚ः सम॒ज्यस॒ आ सु᳚वा॒नः सो᳚म क॒लशे᳚षु सीदसि ॥
पदपाठः (Word-by-word)
प्र । ते॒ । धाराः᳚ । अति᳚ । अण्वा᳚नि । मे॒ष्यः᳚ । पु॒ना॒नस्य᳚ । स॒म्॑यतः᳚ । य॒न्ति॒ । रंह᳚यः ।
यत् । गोभिः᳚ । इ॒न्दो॒ इति᳚ । च॒म्वोः᳚ । स॒म्॑अ॒ज्यसे᳚ । आ । सु॒वा॒नः । सो॒म॒ । क॒लशे᳚षु । सी॒द॒सि॒ ॥
यत् । गोभिः᳚ । इ॒न्दो॒ इति᳚ । च॒म्वोः᳚ । स॒म्॑अ॒ज्यसे᳚ । आ । सु॒वा॒नः । सो॒म॒ । क॒लशे᳚षु । सी॒द॒सि॒ ॥
सायणभाष्यम् (Sayana Commentary)
पुनानस्य पूयमानस्य ते तव संयतः संगृह्यमाणाः रंहयोरंहणस्वभावा धाराः मेष्यः अण्वानि अणूनि लोमानि प्रतियन्ति अतिक्रम्यगच्छन्ति हे इन्दो सोम यद्यदा गोभिरु- दकैः चम्वोः अधिषवणफलकयोरुपरि समज्यते तदानीं हे सोम सुवानः सूयमानस्त्वं कलशेष्वासीदसि ॥ ४७ ॥