अव्ये᳚ पुना॒नं परि॒ वार᳚ ऊ॒र्मिणा॒ हरिं᳚ नवन्ते अ॒भि स॒प्त धे॒नवः᳚ ।
अ॒पामु॒पस्थे॒ अध्या॒यवः᳚ क॒विमृ॒तस्य॒ योना᳚ महि॒षा अ᳚हेषत ॥
अ॒पामु॒पस्थे॒ अध्या॒यवः᳚ क॒विमृ॒तस्य॒ योना᳚ महि॒षा अ᳚हेषत ॥
पदपाठः (Word-by-word)
अव्ये᳚ । पु॒ना॒नम् । परि᳚ । वारे᳚ । ऊ॒र्मिणा᳚ । हरि᳚म् । न॒व॒न्ते॒ । अ॒भि । स॒प्त । धे॒नवः᳚ ।
अ॒पाम् । उ॒प॑स्थे᳚ । अधि᳚ । आ॒यवः᳚ । क॒विम् । ऋ॒तस्य᳚ । योना᳚ । म॒हि॒षाः । अ॒हे॒ष॒त॒ ॥
अ॒पाम् । उ॒प॑स्थे᳚ । अधि᳚ । आ॒यवः᳚ । क॒विम् । ऋ॒तस्य᳚ । योना᳚ । म॒हि॒षाः । अ॒हे॒ष॒त॒ ॥
सायणभाष्यम् (Sayana Commentary)
अव्ये अविमये वारे वाले दशापवित्रे ऊर्मिणा रसेन परि परितः पुनानं पवमानं हरिं हरितवर्णं सोमं अभिनवन्ते अभिगच्छन्ति सप्तधेनवः प्रीणयित्र्यः सप्त गायत्र्याद्याः सप्त गंगाद्या नद्योवा नवते क्षोदते इतिगतिकर्मसुपठितः । किंच कविं त्वां अपामुपस्थे अ- न्तरिक्षस्योत्संगे ऋतस्य योना योनौ उदकनामैतत् ऋतंयोनिः ऋतस्ययोनिरिति तन्नाम- सुपाठात् उदके महिषाः महान्तआयवोमनुष्याः अध्यहेषत अधिकं प्रेरयन्ति ॥ २५ ॥