प्र त॒ आश्वि᳚नीः पवमान धी॒जुवो᳚ दि॒व्या अ᳚सृग्र॒न्पय᳚सा॒ धरी᳚मणि ।
प्रान्तरृष᳚य॒ः स्थावि᳚रीरसृक्षत॒ ये त्वा᳚ मृ॒जन्त्यृ᳚षिषाण वे॒धसः᳚ ॥
प्रान्तरृष᳚य॒ः स्थावि᳚रीरसृक्षत॒ ये त्वा᳚ मृ॒जन्त्यृ᳚षिषाण वे॒धसः᳚ ॥
पदपाठः (Word-by-word)
प्र । ते॒ । आश्वि᳚नीः । प॒व॒मा॒न॒ । धी॒॑जुवः᳚ । दि॒व्याः । अ॒सृ॒ग्र॒न् । पय᳚सा । धरी᳚मणि ।
प्र । अ॒न्तः । ऋष᳚यः । स्थावि᳚रीः । अ॒सृ॒क्ष॒त॒ । ये । त्वा॒ । मृ॒जन्ति᳚ । ऋ॒षि॒॑सा॒ण॒ । वे॒धसः᳚ ॥
प्र । अ॒न्तः । ऋष᳚यः । स्थावि᳚रीः । अ॒सृ॒क्ष॒त॒ । ये । त्वा॒ । मृ॒जन्ति᳚ । ऋ॒षि॒॑सा॒ण॒ । वे॒धसः᳚ ॥
सायणभाष्यम् (Sayana Commentary)
हे पवमानसोम ते तव आश्विनीः व्याप्ताः अशूव्याप्तावित्यस्मादौणादिकोविनिः । ततः अण् व्यत्ययेनाद्युदात्तः धीजुवोमनोवेगाः दैव्याःदिविभवाः दिवःपतंत्योधाराः पयसायुक्ताः धरीमणि धारके द्रोणकलशे प्रासृग्रन् गच्छन्ति येवेधसः विधातारः ऋषयः हेसोम ऋषि षाण ऋषिभिःसंभक्त त्वा त्वां मृजन्ति अभिषुण्वन्ति ते ऋषयः । स्थाविरीः स्थविराधा- राः अन्तर्मध्ये पात्रस्थान्तः प्रासृक्षत प्रसृजन्ति ॥ ४ ॥