गो॒वित्प᳚वस्व वसु॒विद्धि᳚रण्य॒विद्रे᳚तो॒धा इ᳚न्दो॒ भुव᳚ने॒ष्वर्पि᳚तः ।
त्वं सु॒वीरो᳚ असि सोम विश्व॒वित्तं त्वा॒ विप्रा॒ उप᳚ गि॒रेम आ᳚सते ॥
त्वं सु॒वीरो᳚ असि सोम विश्व॒वित्तं त्वा॒ विप्रा॒ उप᳚ गि॒रेम आ᳚सते ॥
पदपाठः (Word-by-word)
गो॒॑वित् । प॒व॒स्व॒ । व॒सु॒॑वित् । हि॒र॒ण्य॒॑वित् । रे॒तः॒॑धाः । इ॒न्दो॒ इति᳚ । भुव᳚नेषु । अर्पि᳚तः ।
त्वम् । सु॒॑वीरः᳚ । अ॒सि॒ । सो॒म॒ । वि॒श्व॒॑वित् । तम् । त्वा॒ । विप्राः᳚ । उप᳚ । गि॒रा । इ॒मे । आ॒स॒ते॒ ॥
त्वम् । सु॒॑वीरः᳚ । अ॒सि॒ । सो॒म॒ । वि॒श्व॒॑वित् । तम् । त्वा॒ । विप्राः᳚ । उप᳚ । गि॒रा । इ॒मे । आ॒स॒ते॒ ॥
सायणभाष्यम् (Sayana Commentary)
हे सोम त्वं पवस्व क्षर । कीदृशः गोवित् गवांलंभकः वसुवित् धनस्य लंभकः हिरण्यवित् हिरण्यस्य लंभकः रेतोधाः रेतउदकं तस्य धाता ओषधीनां यद्वा रेतः प्रज- ननसामर्थ्यं तस्य धारयिता भुवनेषु उदकेष्वर्पितः । हे इन्दो सोम त्वं सुवीरः सुवीर्योसि भवसि । विश्व वित्सर्वस्यवेत्ता तं त्वा त्वां इमेविप्रागिरास्तुत्याउपासते ॥ ३९ ॥