अ॒ञ्जते॒ व्य᳚ञ्जते॒ सम᳚ञ्जते॒ क्रतुं᳚ रिहन्ति॒ मधु᳚ना॒भ्य᳚ञ्जते ।
सिन्धो᳚रुच्छ्वा॒से प॒तय᳚न्तमु॒क्षणं᳚ हिरण्यपा॒वाः प॒शुमा᳚सु गृभ्णते ॥
सिन्धो᳚रुच्छ्वा॒से प॒तय᳚न्तमु॒क्षणं᳚ हिरण्यपा॒वाः प॒शुमा᳚सु गृभ्णते ॥
पदपाठः (Word-by-word)
अ॒ञ्जते᳚ । वि । अ॒ञ्ज॒ते॒ । सम् । अ॒ञ्ज॒ते॒ । क्रतु᳚म् । रि॒ह॒न्ति॒ । मधु᳚ना । अ॒भि । अ॒ञ्ज॒ते॒ ।
सिन्धोः᳚ । उ॒त्॑श्वा॒से । प॒तय᳚न्तम् । उ॒क्षण᳚म् । हि॒र॒ण्य॒॑पा॒वाः । प॒शुम् । आ॒सु॒ । गृ॒भ्ण॒ते॒ ॥
सिन्धोः᳚ । उ॒त्॑श्वा॒से । प॒तय᳚न्तम् । उ॒क्षण᳚म् । हि॒र॒ण्य॒॑पा॒वाः । प॒शुम् । आ॒सु॒ । गृ॒भ्ण॒ते॒ ॥
सायणभाष्यम् (Sayana Commentary)
सोममृत्विजः अंजते गोभिः तथा व्यंजते विविधमञ्चन्ति समंजते सम्यगंजन्ति स्तुत्य- र्थत्वादपुनरुक्तिः । तथा क्रतुं बलकर्तारं रिहन्ति लिहन्ति आस्वादयन्ति देवाः तथा पुनर्म- धुना गव्येन अभ्यंजते तमेव सोमं सिंधोरुदकस्यरसस्याधारभूते उच्छ्वासे उच्छ्रितदेशे पतयन्तं गच्छन्तं पतॢगतावित्यस्मात्स्वार्थेणिचि वृद्भ्यभावश्छान्दसः । उक्षणं सेक्तारं हिरण्य पावाः हिरण्येन पुनन्तः पशुं द्रष्टारम् । पशुः पश्यतेरितिनिरुक्तम् । आसु वसतीवरीषु गृभ्णते गृह्णन्ति ॥ ४३ ॥