अ॒यं म॒तवा᳚ञ्छकु॒नो यथा᳚ हि॒तो॑व्ये᳚ ससार॒ पव᳚मान ऊ॒र्मिणा᳚ ।
तव॒ क्रत्वा॒ रोद᳚सी अन्त॒रा क᳚वे॒ शुचि᳚र्धि॒या प᳚वते॒ सोम᳚ इन्द्र ते ॥
तव॒ क्रत्वा॒ रोद᳚सी अन्त॒रा क᳚वे॒ शुचि᳚र्धि॒या प᳚वते॒ सोम᳚ इन्द्र ते ॥
पदपाठः (Word-by-word)
अ॒यम् । म॒त॑वा᳚न् । श॒कु॒नः । यथा᳚ । हि॒तः । अव्ये᳚ । स॒सा॒र॒ । पव᳚मानः । ऊ॒र्मिणा᳚ ।
तव᳚ । क्रत्वा᳚ । रोद᳚सी॒ इति᳚ । अ॒न्त॒रा । क॒वे॒ । शुचिः᳚ । धि॒या । प॒व॒ते॒ । सोमः᳚ । इ॒न्द्र॒ । ते॒ ॥
तव᳚ । क्रत्वा᳚ । रोद᳚सी॒ इति᳚ । अ॒न्त॒रा । क॒वे॒ । शुचिः᳚ । धि॒या । प॒व॒ते॒ । सोमः᳚ । इ॒न्द्र॒ । ते॒ ॥
सायणभाष्यम् (Sayana Commentary)
अयं सोमोमतवान् मतं संमतं प्रियं स्तोत्रं तद्वान् पवमानः पूयमानः शोध्यमानश्चसन् हितः प्रेरितः शकुनः पक्षी यथा शीघ्रंगच्छति तथा अव्येपवित्रे ऊर्मिणारसेन ससार गच्छाति । हेकवे क्रान्तप्रज्ञ अनूचानवा । येवाअनूचानास्तेकवयइतिश्रुतेः । तादृशेन्द्रयजमान यद्वा उक्तलक्षणेन्द्र ते तव क्रत्वा कर्मणा धियाप्रज्ञयाच यद्वा विशेषणविशॆष्यभावः धिया धारकेणक्रत्वाकर्मणा रोदसी अंतरा रोदस्योर्द्यावापृथिव्योर्मध्ये शुचिः सोमः पवते पूयते ॥ १३ ॥