ई॒शा॒न इ॒मा भुव᳚नानि॒ वीय᳚से युजा॒न इ᳚न्दो ह॒रितः᳚ सुप॒र्ण्य᳚ः ।
तास्ते᳚ क्षरन्तु॒ मधु᳚मद्घृ॒तं पय॒स्तव᳚ व्र॒ते सो᳚म तिष्ठन्तु कृ॒ष्टयः᳚ ॥
तास्ते᳚ क्षरन्तु॒ मधु᳚मद्घृ॒तं पय॒स्तव᳚ व्र॒ते सो᳚म तिष्ठन्तु कृ॒ष्टयः᳚ ॥
पदपाठः (Word-by-word)
ई॒शा॒नः । इ॒मा । भुव᳚नानि । वि । ई॒य॒से॒ । यु॒जा॒नः । इ॒न्दो॒ इति᳚ । ह॒रितः᳚ । सु॒॑प॒र्ण्यः᳚ ।
ताः । ते॒ । क्ष॒र॒न्तु॒ । मधु᳚॑मत् । घृ॒तम् । पयः᳚ । तव᳚ । व्र॒ते । सो॒म॒ । ति॒ष्ठ॒न्तु॒ । कृ॒ष्टयः᳚ ॥
ताः । ते॒ । क्ष॒र॒न्तु॒ । मधु᳚॑मत् । घृ॒तम् । पयः᳚ । तव᳚ । व्र॒ते । सो॒म॒ । ति॒ष्ठ॒न्तु॒ । कृ॒ष्टयः᳚ ॥
सायणभाष्यम् (Sayana Commentary)
हे इन्दो सोम ईशानः सर्वस्य स्वामी त्वं इमा इमानि भुवनानि भूतजातानि वीयसे गच्छसि वीगत्यादिषु । किंकुर्वन् हरितोहरितवर्णः सुपर्ण्यः सुपतनाश्चाश्वाः रथे युजानो योजयन् ताः सुपर्ण्यः ते तव संबन्धिन्यः मधुमत् माधुर्योपेतं घृतं दीप्तं पयउदकं क्षरन्तु । हेसोम तव व्रते कर्मणि तिष्ठन्तु कृष्टयोमनुष्याःसर्वे ॥ ३७ ॥