श॒तं धारा᳚ दे॒वजा᳚ता असृग्रन्त्स॒हस्र᳚मेनाः क॒वयो᳚ मृजन्ति ।
इन्दो᳚ स॒नित्रं᳚ दि॒व आ प᳚वस्व पुरए॒तासि᳚ मह॒तो धन᳚स्य ॥
इन्दो᳚ स॒नित्रं᳚ दि॒व आ प᳚वस्व पुरए॒तासि᳚ मह॒तो धन᳚स्य ॥
पदपाठः (Word-by-word)
श॒तम् । धाराः᳚ । दे॒व॑जा᳚ताः । अ॒सृ॒ग्र॒न् । स॒हस्र᳚म् । ए॒नाः॒ । क॒वयः᳚ । मृ॒ज॒न्ति॒ ।
इन्दो॒ इति᳚ । स॒नित्र᳚म् । दि॒वः । आ । प॒व॒स्व॒ । पु॒रः॒॑ए॒ता । अ॒सि॒ । म॒ह॒तः । धन᳚स्य ॥
इन्दो॒ इति᳚ । स॒नित्र᳚म् । दि॒वः । आ । प॒व॒स्व॒ । पु॒रः॒॑ए॒ता । अ॒सि॒ । म॒ह॒तः । धन᳚स्य ॥
सायणभाष्यम् (Sayana Commentary)
हे सोम देवजाताः देवार्थं प्रादुर्भूताः शतं शतसंख्याकाः त्वदीयाधाराः असृग्रन् सृज्य- न्ते । ततः कवयः क्रान्तदर्शिनः ऋत्विजः सहस्रं बहुविधाः एनाः त्वदीयाधाराः मृजन्ति अलंकुर्वन्ति यद्वा सहस्रमनेकधाम्ऋजन्ति शोधयन्ति । हेइन्दो सनित्रं भजनसाधनं दिवो द्युलोत् अस्माकं पुत्रादीनांच आपवस्व आप्रापय । कुतोस्यधनमितिचेत् तत्राह महतः प्र- भूतधनस्य पुरएता पुरतोगंतासि भवसि तस्माद्देहि इति ॥ २९ ॥