स रत्नं॒ मर्त्यो॒ वसु॒ विश्वं᳚ तो॒कमु॒त त्मना᳚ ।
अच्छा᳚ गच्छ॒त्यस्तृ᳚तः ॥
अच्छा᳚ गच्छ॒त्यस्तृ᳚तः ॥
पदपाठः (Word-by-word)
सः । रत्न᳚म् । मर्त्यः᳚ । वसु᳚ । विश्व᳚म् । तो॒कम् । उ॒त । त्मना᳚ ।
अच्छ᳚ । ग॒च्छ॒ति॒ । अस्तृ᳚तः ॥
अच्छ᳚ । ग॒च्छ॒ति॒ । अस्तृ᳚तः ॥
सायणभाष्यम् (Sayana Commentary)
हे आदित्याः स तादृशो भवद्भिरनुगृहीतो मर्त्यो मनुष्यो यजमानोऽस्तृतः केनाप्यहिंसितः सन् रत्नं रमणीयं विश्वं वसु सर्वं धनमच्छाभिमुख्येन गच्छति । प्राप्नोति । उतापि च त्मना आत्मना स्वेन सदृशं तोकमपत्यं गच्चति ॥ त्मना । मंत्रेष्वाङ्यादेरात्मनः (पा ६-४-१४१) इत्याकारलोपः । अच्छ । निपातस्य चेति दीर्घत्वम् । अस्तृतः । स्तृञ् हिंसायाम् । न स्तृतोऽस्तृतः अव्ययपूर्वपद प्रकृतिस्वरत्वं ॥ ६ ॥