प्रति᳚ व ए॒ना नम᳚सा॒हमे᳚मि सू॒क्तेन᳚ भिक्षे सुम॒तिं तु॒राणा᳚म् ।
र॒रा॒णता᳚ मरुतो वे॒द्याभि॒र्नि हेळो᳚ ध॒त्त वि मु᳚चध्व॒मश्वा᳚न् ॥
र॒रा॒णता᳚ मरुतो वे॒द्याभि॒र्नि हेळो᳚ ध॒त्त वि मु᳚चध्व॒मश्वा᳚न् ॥
पदपाठः (Word-by-word)
प्रति᳚ । वः॒ । ए॒ना । नम᳚सा । अ॒हम् । ए॒मि॒ । सु॒॑उ॒क्तेन᳚ । भि॒क्षे॒ । सु॒॑म॒तिम् । तु॒राणा᳚म् ।
र॒रा॒णता᳚ । म॒रु॒तः॒ । वे॒द्याभिः᳚ । नि । हेळः᳚ । ध॒त्त । वि । मु॒च॒ध्व॒म् । अश्वा᳚न् ॥
र॒रा॒णता᳚ । म॒रु॒तः॒ । वे॒द्याभिः᳚ । नि । हेळः᳚ । ध॒त्त । वि । मु॒च॒ध्व॒म् । अश्वा᳚न् ॥
सायणभाष्यम् (Sayana Commentary)
हेमरुतः वोयुष्मानहंप्रत्येमि अभिगच्छामि केनसाधनेन नमसानमस्कारेण हविषावा नमइत्य- न्ननाम यथासूक्तेनशोभनवचनेनस्तुतिरूपेणतुराणांत्वरमाणानांशत्रूणांहिंसकानांवायुष्माकं सुमतिं- शोभनमतिं अनुग्रहबुद्धिं भिक्षे याचे इन्द्रस्यैवपुनर्हविःप्रदानादिदंयाच्यते किञ्च हेमरुतः यूयंवेद्याभि- र्वेदितव्याभिः स्तुतिभीरराणता रममाणेनमनसाइत्थंभूताःसन्तोहेळः क्रोधनामैतत् क्रोधंयुष्मदभिज- नितंनिधत्त निकृष्टंधारयत त्यजतेत्यर्थः तथाऽश्वान् विमुचध्वंरथेभ्योवियोजयत क्रोधात्पुनर्गमनं- माकुरुतेत्यर्थः ॥ १ ॥