प्र यद॒ग्नेः सह᳚स्वतो वि॒श्वतो॒ यन्ति᳚ भा॒नवः᳚ ।
अप᳚ न॒ः शोशु᳚चद॒घम् ॥
अप᳚ न॒ः शोशु᳚चद॒घम् ॥
पदपाठः (Word-by-word)
प्र । यत् । अ॒ग्नेः । सह᳚स्वतः । वि॒श्वतः᳚ । यन्ति᳚ । भा॒नवः᳚ ।
अप᳚ । नः॒ । शोशु᳚चत् । अ॒घम् ॥
अप᳚ । नः॒ । शोशु᳚चत् । अ॒घम् ॥
सायणभाष्यम् (Sayana Commentary)
सहस्वतः सहनवतः शत्रॊनभिभवतोऽग्नेर्भानवो दीप्तयो विश्वतः सर्वतः सर्वस्मादपि प्रदेशात्प्रयंति । प्रकर्षेणोद्गच्छंति । यद्यस्मादेवं तस्मात्तेनाग्नितेजसास्मदीयमघं नश्यतु ॥ यंति । इणो यण् (पा ६-४-८१) इति यणादेशः ॥ ५ ॥