नि त्वा॒ होता᳚रमृ॒त्विजं᳚ दधि॒रे व᳚सु॒वित्त᳚मम् ।
श्रुत्क᳚र्णं स॒प्रथ᳚स्तमं॒ विप्रा᳚ अग्ने॒ दिवि᳚ष्टिषु ॥
श्रुत्क᳚र्णं स॒प्रथ᳚स्तमं॒ विप्रा᳚ अग्ने॒ दिवि᳚ष्टिषु ॥
पदपाठः (Word-by-word)
नि । त्वा॒ । होता᳚रम् । ऋ॒त्विज᳚म् । द॒धि॒रे । व॒सु॒वित्॑त᳚मम् ।
श्रुत्॑क᳚र्णम् । स॒प्रथः᳚॑तमम् । विप्राः᳚ । अ॒ग्ने॒ । दिवि᳚ष्टिषु ॥
श्रुत्॑क᳚र्णम् । स॒प्रथः᳚॑तमम् । विप्राः᳚ । अ॒ग्ने॒ । दिवि᳚ष्टिषु ॥
सायणभाष्यम् (Sayana Commentary)
हे अग्ने विप्रा मेधाविनो दिविष्टिषु यागेषु त्वां नि दधिरे । स्थापितवंतः । कीदृशम् । होतारमाह्वातारं ऋत्विजमृतुषु यजन शीलं वसुवित्तममतिशयेन धनस्य लंभयितारं श्रुत्कर्णं श्रवणयोग्यकर्णोपेतं सप्रथस्तममतिशयेन प्रख्यातं ॥ दधिरे ॥ इरेचश्चित्त्वादंतोदात्तत्वम् । पादादित्वान्निघाताभावः । दिविष्टिषु । इष्वय एषणानि । दिवः स्वर्गस्यैषणानि येषु यागेषु ते दिविष्टयः । सर्वे विधयश्छंदसि विकल्ब्यंत इति वचनाद्दिव उत् (पा ६-१-१३१) इत्युत्वं न क्रियते । बहुव्रीहौ पूर्वपदप्रकृतिस्वरत्वं ॥ ७ ॥