प्रा॒त॒र्याव्ण᳚ः सहस्कृत सोम॒पेया᳚य सन्त्य ।
इ॒हाद्य दैव्यं॒ जनं᳚ ब॒र्हिरा सा᳚दया वसो ॥
इ॒हाद्य दैव्यं॒ जनं᳚ ब॒र्हिरा सा᳚दया वसो ॥
पदपाठः (Word-by-word)
प्रा॒तः॒॑याव्नः᳚ । स॒हः॒॑कृ॒त॒ । सो॒म॒॑पेया᳚य । स॒न्त्य॒ ।
इ॒ह । अ॒द्य । दैव्य᳚म् । जन᳚म् । ब॒र्हिः । आ । सा॒द॒य॒ । व॒सो॒ इति᳚ ॥
इ॒ह । अ॒द्य । दैव्य᳚म् । जन᳚म् । ब॒र्हिः । आ । सा॒द॒य॒ । व॒सो॒ इति᳚ ॥
सायणभाष्यम् (Sayana Commentary)
हे सहस्कृत बलेन मथित संत्य फलदातसर्वसो निवासहेतुभूताग्ने इह देवयजनदेशेऽद्यास्मिन्दिने सोमपेयाय सोमपानार्थं प्रातर्याव्णः प्रातरागच्छतो देवान् दैव्यं जनमन्यमपि देवताजनं बर्हिरा सादय । यज्ञं प्रापय ॥ प्रातर्याव्णः । शस्यल्लोपोऽन इत्यकारलोपः । सहस्कृत । सहतेऽभिभवत्यनेनेति सहो बलम् । तेन क्रियत इति सहस्कृतः । ओजःसहोंऽभस्तमसस्तृतीयायाः (पा ६-३-३) इत्यलुगभावश्छांदसः ॥ ९ ॥