शुके᳚षु मे हरि॒माणं᳚ रोप॒णाका᳚सु दध्मसि ।
अथो᳚ हारिद्र॒वेषु᳚ मे हरि॒माणं॒ नि द᳚ध्मसि ॥
अथो᳚ हारिद्र॒वेषु᳚ मे हरि॒माणं॒ नि द᳚ध्मसि ॥
पदपाठः (Word-by-word)
शुके᳚षु । मे॒ । ह॒रि॒माण᳚म् । रो॒प॒णाका᳚सु । द॒ध्म॒सि॒ ।
अथो॒ इति᳚ । हा॒रि॒द्र॒वेषु᳚ । मे॒ । ह॒रि॒माण॒म् । नि । द॒ध्म॒सि॒ ॥
अथो॒ इति᳚ । हा॒रि॒द्र॒वेषु᳚ । मे॒ । ह॒रि॒माण॒म् । नि । द॒ध्म॒सि॒ ॥
सायणभाष्यम् (Sayana Commentary)
मे मदीयं हरिमाणं शरीरगतं हरिद्वर्णस्य भावं शुकेषु तादृशं वर्णं कामयमानेषु पक्षिषु तथा रोपणाकासु शारिकासु पक्षिविशेषेषु दध्मसि । स्थापयामः । अथो अपि च हारिद्रवेषु हरितालद्रुमेषु तादृग्वण वत्सु मे मदियं हरिमाणं नि दध्मसि । निदधीमहि । स च हरिमा तत्रैव सुखेनास्तामस्मान्मा वाधिष्टेत्यर्थः ॥ दध्मसि । इदंतो मसिरिति मस इकारागमः ॥ १२ ॥