हे सूर्य देव द्योतमान विचक्षण सर्वस्य प्रकाशयितः सप्त सप्तसंख्याका हरितोऽत्वा रसहरणशीला रश्मयो वा त्वा त्वां वहंति । प्रापयंति । कीदृशम् । रथेऽवस्थितमिति शेषः । तथा शोचिष्केतम् । शोचींषि तेजांस्येव यस्मिन्केशा इव दृश्यंते स तथोक्तः । तम् । हरित इत्यादित्याश्वानां संज्ञा हरित आदित्यस्येति निघंटावुक्तत्वात् ॥ शोचिष्केशम् । शुच दीप्तौ । अर्चिशुचिहृसृपीत्यादिनेसिप्रत्ययांतोऽंतोदात्तः । स एव बहुव्रीहौ पूर्वपदप्रकृतिस्वरत्वेन शिष्यते । नित्यं समासेऽनुत्तरपदस्थस्येति विसर्जनीयस्य षत्वं ॥ ८ ॥