ऋतावा ऋतवान्यज्ञवान् जातवेदा जातधनो जातप्रज्ञो वायमग्निर्विप्रेभिर्मेधाविभिर्गोतमेभिर्गोतमैर्ऋषिभिरेवमुक्तेन प्रकारेणास्तोष्ट । स्तुतोऽभूत् । स्तुतश्च सोऽग्निरेषु गोतमेषु द्युम्नं द्योतमानं सोमं पीपयन् । अपिबत् । यद्वा । तानृषीनपाययत् । तथा सोऽग्निर्वाजं हविर्लक्षणमन्नं पीपयदित्येव । एवं सोमलक्षणं चरुपुरोडाशादिलक्षणं हविश्च स्वीकृत्य सोऽग्निर्जोषमस्माभिः कृतं सेवनमा चिकित्वान् अ समंताज्जानन् पुष्विं याति षोषं प्राप्नोतु । यद्वा । अस्माकं धनानि पोषं प्रापयतु ॥ गोतमेभिः । ऋष्यंधकवृष्णिकुरुभ्यश्च (पा ४-१-११४) इति विहिस्याणोऽत्रिभृगुकुत्सवसिष्ठगोतमांगिरोभ्यश्च (पा २-४-६५) इति बहुषु लुक् । अस्तोष्ट । स्तौतेः कमर्णि लुङिचिणभावश्छांदसः । पीपयत् । पा पाने । ण्यंताल्लुङि च्लेश्चङादि । जोषम् । जुषी प्रीतिसेवनयोः । भावे घञ् । इित्त्वादाद्युदात्तत्वं ॥ ५ ॥