पुरं᳚दरा॒ शिक्ष᳚तं वज्रहस्ता॒स्मा{4} इ᳚न्द्राग्नी अवतं॒ भरे᳚षु ।
तन्नो᳚ मि॒त्रो वरु᳚णो मामहन्ता॒मदि᳚ति॒ः सिन्धु᳚ः पृथि॒वी उ॒त द्यौः ॥
तन्नो᳚ मि॒त्रो वरु᳚णो मामहन्ता॒मदि᳚ति॒ः सिन्धु᳚ः पृथि॒वी उ॒त द्यौः ॥
पदपाठः (Word-by-word)
पुर᳚म्॑दरा । शिक्ष᳚तम् । व॒ज्र॒॑ह॒स्ता॒ । अ॒स्मान् । इ॒न्द्रा॒ग्नी॒ इति᳚ । अ॒व॒त॒म् । भरे᳚षु ।
तत् । नः॒ । मि॒त्रः । वरु᳚णः । म॒म॒ह॒न्ता॒म् । अदि᳚तिः । सिन्धुः᳚ । पृ॒थि॒वी । उ॒त । द्यौः ॥
तत् । नः॒ । मि॒त्रः । वरु᳚णः । म॒म॒ह॒न्ता॒म् । अदि᳚तिः । सिन्धुः᳚ । पृ॒थि॒वी । उ॒त । द्यौः ॥
सायणभाष्यम् (Sayana Commentary)
हे वज्रहस्ता हस्तेन गृहीतवज्रौ । पुरंदरासुरपुराणां दारयिताराविंद्राग्नी शिक्षतम् । अस्मदपेक्षितं धनं प्रयच्छतम् । अपि च भरेषु संग्रामेष्वस्मानवतम् । रक्षतम् । यदनेन सूक्तेन प्रार्थितं तदस्मदीयं मित्रादयो ममहंताम् । पूजयंतां ॥ पुरंदरा । पूःसर्वयोर्दारिसहोः (पा ३-२-४१) इति खच् । वाचंयमपुरंदरौ च (पा ६-३-६९) इति निपातनादम् । सुपां सुलुगिति विभक्तेराकारः ॥ ८ ॥