यत्र॒ नार्य᳚पच्य॒वमु᳚पच्य॒वं च॒ शिक्ष᳚ते ।
उ॒लूख᳚लसुताना॒मवेद्वि᳚न्द्र जल्गुलः ॥
उ॒लूख᳚लसुताना॒मवेद्वि᳚न्द्र जल्गुलः ॥
पदपाठः (Word-by-word)
यत्र᳚ । नारी᳚ । अ॒प॒॑च्य॒वम् । उ॒प॒॑च्य॒वम् । च॒ । शिक्ष᳚ते ।
उ॒लूख᳚ल॑सुतानाम् । अव᳚ । इत् । ऊं॒ इति᳚ । इ॒न्द्र॒ । ज॒ल्गु॒लः॒ ॥
उ॒लूख᳚ल॑सुतानाम् । अव᳚ । इत् । ऊं॒ इति᳚ । इ॒न्द्र॒ । ज॒ल्गु॒लः॒ ॥
सायणभाष्यम् (Sayana Commentary)
यत्र यस्मिन्कर्मणि नारी पत्न्यपच्यवं शालाया निर्गमनमुपच्यवं च शालाप्राप्तिं च शिक्षते अभ्यासं करोति । अन्यत्पूर्ववत् ॥ अपच्यवम् । च्युङ् गतौ । यादोरबित्यप् । गुणावादेशौ । थाथादिना (पा ६-२-१४४) उत्तरपदांतोदात्तत्वम् । एवमुपच्यवम् । शिक्षते । शिक्ष विद्योपादाने । अदुपदेशाल्लसार्वधातुकानुदात्तत्वे धातुस्वरः । निपातैर्यद्यदिहंतेति निघातप्रतिषेधः ॥ ३ ॥