ता नो᳚ अ॒द्य व᳚नस्पती ऋ॒ष्वावृ॒ष्वेभि᳚ः सो॒तृभि᳚ः ।
इन्द्रा᳚य॒ मधु᳚मत्सुतम् ॥
इन्द्रा᳚य॒ मधु᳚मत्सुतम् ॥
पदपाठः (Word-by-word)
ता । नः॒ । अ॒द्य । व॒न॒स्प॒ती॒ इति᳚ । ऋ॒ष्वौ । ऋ॒ष्वेभिः᳚ । सो॒तृ॑भिः᳚ ।
इन्द्रा᳚य । मधु᳚॑मत् । सु॒त॒म् ॥
इन्द्रा᳚य । मधु᳚॑मत् । सु॒त॒म् ॥
सायणभाष्यम् (Sayana Commentary)
अद्यास्मिन्कर्मणि हे वनस्पती उलूखलमुसलरूपौ तौ युवामृष्वेभिर्दर्शनीयैः सोतृभिरभिषवहेतुभिः सह ऋष्वौ दर्शनीयौ भूत्वेंद्रायेंद्रार्थं मधुमत् माधुर्योपेतं सोमद्रव्यं नोऽस्मदीयं सुतम् । अभिषुणुतं ॥ ता । सुपां सुलुगित्याकारः । नो अद्य । प्रकृत्यांतःपादमिति प्रकृतिभावः । वनस्पती । उभयपदप्रकृतिस्वरे प्राप्त आमंत्रितस्येति सर्वानुदात्तत्वम् । प्लुतप्रगृह्या अचि (पा ६-१-१२५) इति प्रकृतिभावः । सुतम् । षुञ् अभिषवे । बहुलं छंदसीति विकरणस्य लुक् । निघातः ॥ ८ ॥