मरुतां संबंधिनः स्वनादध ध्वनेर्गर्जनरूपादनंतरं पार्थिवं पृथिवीसंबंधि विश्वं सद्म सर्वं गृहमा समंतादरेजतेति शेषः । तथा मानुषा गृहवर्तिनो मनुष्या अपि प्रारेजंत । प्रकर्षेण कंपितवंतः ॥ अध । छांदसं धत्वम् । सद्म । षद्लृ विशरणगत्यवसादनेषु । अन्येभ्योऽपि द्यश्यंत इति मनिन् । पार्थिवम् । पृथिव्याः संबंधि । पृथिव्या ञाञौ । पा ४-१-८५-२ । इति प्राग्दीव्यतीयोऽञ् प्रत्ययः । ञित्त्वादाद्युदात्तत्वम् । अरेजंत रेजृ कंपने ॥ १० ॥