तमित्सु᳚ह॒व्यम᳚ङ्गिरः सुदे॒वं स᳚हसो यहो ।
जना᳚ आहुः सुब॒र्हिष᳚म् ॥
जना᳚ आहुः सुब॒र्हिष᳚म् ॥
पदपाठः (Word-by-word)
तम् । इत् । सु॒॑ह॒व्यम् । अ॒ङ्गि॒रः॒ । सु॒॑दे॒वम् । स॒ह॒सः॒ । य॒हो॒ इति᳚ ।
जनाः᳚ । आ॒हुः॒ । सु॒॑ब॒र्हिष᳚म् ॥
जनाः᳚ । आ॒हुः॒ । सु॒॑ब॒र्हिष᳚म् ॥
सायणभाष्यम् (Sayana Commentary)
हे सहसो यहो बलस्य पुत्र आंगिरोऽंगनादिगुणयुक्ताग्ने यो यजमानः पूर्वमुक्तस्तमित् तमेव यजमानं सुहव्यं शोभनहविष्कं सुदेवं शोभनदैवतं सुबर्हिषम् । बर्हिरिति यज्ञनाम । शोभनयज्ञं च जनाः सर्वे मनुष्य आहुः । कथयंति ॥ सुहव्यमित्यादिषु नञ्सुभ्यामित्युत्तरपदांतोदात्तत्वम् । सहसो यहो । सुबामंत्रिक इति परांगवद्भावात्षष्ठ्यामंत्रितसमुदायस्याष्टमिक्रमामंत्रितानुदात्तत्वं ॥ ५ ॥