अ॒ग्नेर्व॒यं प्र᳚थ॒मस्या॒मृता᳚नां॒ मना᳚महे॒ चारु᳚ दे॒वस्य॒ नाम᳚ ।
स नो᳚ म॒ह्या अदि᳚तये॒ पुन᳚र्दात्पि॒तरं᳚ च दृ॒शेयं᳚ मा॒तरं᳚ च ॥
स नो᳚ म॒ह्या अदि᳚तये॒ पुन᳚र्दात्पि॒तरं᳚ च दृ॒शेयं᳚ मा॒तरं᳚ च ॥
पदपाठः (Word-by-word)
अ॒ग्नेः । व॒यम् । प्र॒थ॒मस्य᳚ । अ॒मृता᳚नाम् । मना᳚महे । चारु᳚ । दे॒वस्य᳚ । नाम᳚ ।
सः । नः॒ । म॒ह्यै । अदि᳚तये । पुनः᳚ । दा॒त् । पि॒तर᳚म् । च॒ । दृ॒शेय᳚म् । मा॒तर᳚म् । च॒ ॥
सः । नः॒ । म॒ह्यै । अदि᳚तये । पुनः᳚ । दा॒त् । पि॒तर᳚म् । च॒ । दृ॒शेय᳚म् । मा॒तर᳚म् । च॒ ॥
सायणभाष्यम् (Sayana Commentary)
इत्थं प्रथमयर्चा विचिकित्सां क्वत्वा प्रजापते सकाशात्तं देवमग्निं निश्चित्यानया तुष्टाव । तथा च श्रूयते । तं प्रजापतिरुवाचाग्निर्वै देवानां नेदिष्ठस्तमेवोपधावेति सोऽग्निमुपससाराग्नेर्वयं प्रथमस्यामृतानामित्येतयर्चा । ऐ ब्रा । ७-१६ । इति । पूर्ववद्योजना । दाद्ददातु दृशेयं पश्यानीत्येवमाशीः परत्वेन पदद्वयं योज्यं ॥ २ ॥