हे अग्ने त्वमस्माकमस्मत्संबंधिनमिममू षु पुरोदेशेऽनुष्ठीयमानमपि सनिं हविर्दानं नव्यांसं नवतरं गायत्रं स्तुतिरूपं वचोऽपि देवेषु देवानामग्रे प्र वोच ॥ प्रब्रूबि ॥ ऊ षु । निपातस्य चेति संहितायां दीर्घत्वम् । सुञ इति षत्वम् । नव्यांसम् । नवशब्दादीयसुनीकारलोपश्छांदसः । ईयसुनो नित्त्वादाद्युदात्तत्वम् । वोचः । छंदसि लुङ् लङ् लिट इति लोडर्थे प्रार्थनायां लुङ्यस्यतिवक्तीति च्लेरङादेशः (पा ३-१-५२) वच उम् । पा ७-४-२० ॥ ४