पता᳚ति कुण्डृ॒णाच्या᳚ दू॒रं वातो॒ वना॒दधि᳚ ।
आ तू न᳚ इन्द्र शंसय॒ गोष्वश्वे᳚षु शु॒भ्रिषु᳚ स॒हस्रे᳚षु तुवीमघ ॥
आ तू न᳚ इन्द्र शंसय॒ गोष्वश्वे᳚षु शु॒भ्रिषु᳚ स॒हस्रे᳚षु तुवीमघ ॥
पदपाठः (Word-by-word)
पता᳚ति । कु॒ण्डृ॒णाच्या᳚ । दू॒रम् । वातः᳚ । वना᳚त् । अधि᳚ ।
आ । तु । नः॒ । इ॒न्द्र॒ । शं॒स॒य॒ । गोषु᳚ । अश्वे᳚षु । शु॒भ्रिषु᳚ । स॒हस्रे᳚षु । तु॒वि॒॑म॒घ॒ ॥
आ । तु । नः॒ । इ॒न्द्र॒ । शं॒स॒य॒ । गोषु᳚ । अश्वे᳚षु । शु॒भ्रिषु᳚ । स॒हस्रे᳚षु । तु॒वि॒॑म॒घ॒ ॥
सायणभाष्यम् (Sayana Commentary)
वातोऽस्मत्प्रतिकूलो वायुः कुंडृणाच्या कुटलगत्या स त्वस्मान्परित्यज्य वनादध्यरण्यादप्यधिकं दूरं देशं पताति । पततु । अन्यत्पूर्ववत् ॥ पताति । लेट्याडागमः । कुंडृणाच्या । कुडि दाहे । अस्मात् ल्युडंते कुंडनशब्दे डकारात्परस्याकारस्य ऋकारश्छांदसः । ऋवर्णाच्चेति वक्तव्यमिति णत्वम् । तदंचतीति कुंडृणाची । ऋत्विगित्यादिना क्विन् । अनिदितामिति नलोपेंऽचतेश्चेति वक्तव्यंः । पा ४-१-६-२ । इति ङीप् । अचः (पा ६-४-१३८) इत्यकारलोपः । चौ (पा ६-३-१३८) इति पूर्वपदस्य दीर्घत्वम् । चौ (पा ६-१-२२२) इत्याकारस्योदात्तत्वं ॥ ६ ॥