मम᳚ दे॒वा वि᳚ह॒वे स᳚न्तु॒ सर्व॒ इन्द्र᳚वन्तो म॒रुतो॒ विष्णु᳚र॒ग्निः ।
ममा॒न्तरि᳚क्षमु॒रुलो᳚कमस्तु॒ मह्यं॒ वातः᳚ पवतां॒ कामे᳚ अ॒स्मिन् ॥
ममा॒न्तरि᳚क्षमु॒रुलो᳚कमस्तु॒ मह्यं॒ वातः᳚ पवतां॒ कामे᳚ अ॒स्मिन् ॥
पदपाठः (Word-by-word)
मम᳚ । दे॒वाः । वि॒॑ह॒वे । स॒न्तु॒ । सर्वे᳚ । इन्द्र᳚॑वन्तः । म॒रुतः᳚ । विष्णुः᳚ । अ॒ग्निः ।
मम᳚ । अ॒न्तरि᳚क्षम् । उ॒रु॑लो᳚कम् । अ॒स्तु॒ । मह्य᳚म् । वातः᳚ । प॒व॒ता॒म् । कामे᳚ । अ॒स्मिन् ॥
मम᳚ । अ॒न्तरि᳚क्षम् । उ॒रु॑लो᳚कम् । अ॒स्तु॒ । मह्य᳚म् । वातः᳚ । प॒व॒ता॒म् । कामे᳚ । अ॒स्मिन् ॥
सायणभाष्यम् (Sayana Commentary)
सर्वे देवा विहवे सङ्रग्रामे यज्ञे वा मम सन्तु। ममैव साधका भवन्तु। के पुनस्ते। इन्द्रवन्त इन्द्रेण युक्ता मरुतो विष्णुरग्निश्च। तथान्तरिक्षं ममोरुलोकं विस्तीर्णप्रकाशकमस्तु। लोकृ दर्शने। भाए घञ्। लोक आलोकः प्रकाशः। उरुर्लोको यस्येति बहुव्रीहौ पूर्वपदप्रकृतिस्वरत्वम्। अपि चास्मिन्कामे कामयितव्ये फले निमित्तभूते सति वातो वायुः पवताम्। अनुगुणं प्रवातु। पूङ् पवने भौवादिकः। ऊडिदमित्यादिनेदमः सप्तम्या उदात्तत्वम्॥२॥