त्वमि᳚न्द्राभि॒भूर᳚सि॒ विश्वा᳚ जा॒तान्योज᳚सा ।
स विश्वा॒ भुव॒ आभ᳚वः ॥
स विश्वा॒ भुव॒ आभ᳚वः ॥
पदपाठः (Word-by-word)
त्वम् । इ॒न्द्र॒ । अ॒भि॒॑भूः । अ॒सि॒ । विश्वा᳚ । जा॒तानि᳚ । ओज᳚सा ।
सः । विश्वाः᳚ । भुवः᳚ । आ । अ॒भ॒वः॒ ॥
सः । विश्वाः᳚ । भुवः᳚ । आ । अ॒भ॒वः॒ ॥
सायणभाष्यम् (Sayana Commentary)
हे इन्द्र त्वं विश्वा सर्वाणि जातानि जनिमन्ति भूतान्योजसा बलेनाभिभूरभिभविता भवसि। तथा स तादृशस्त्वं विश्वा भुवः सर्वा भुमीः प्राप्तव्यानि सर्वाण्यपि स्थानान्याभवः। अभितः प्रप्नोः। भू प्राप्तौ॥५॥