उ॒षा अप॒ स्वसु॒स्तम॒ः सं व᳚र्तयति वर्त॒निं सु᳚जा॒तता᳚ ॥
पदपाठः (Word-by-word)
उ॒षाः । अप᳚ । स्वसुः᳚ । तमः᳚ । सम् । व॒र्त॒य॒ति॒ । व॒र्त॒निम् । सु॒॑जा॒तता᳚ ॥
सायणभाष्यम् (Sayana Commentary)
दशमेऽहनि प्रातरनुवाक उषस्ये क्रतावुषो भद्रेभिरित्यस्याः स्थान उषा अप स्वसुरित्येषा। सूत्रितं च। उषा आप स्वसुस्तम इति पच्छो द्विपदां त्रिरुषस्ये। आ. ८-१२। इति॥
इयमुषाः स्वसुर्भगिन्या रात्रेः सम्बन्धि तमोऽन्धकारमप सं वर्तयति। आत्मीयेन तेजसापगमयति। सुजातता सुजातत्वमात्मनः सुप्रजातत्वम् च वर्तनिं रथं प्रापयति॥४॥