ग्रावा᳚णो॒ अप᳚ दु॒च्छुना॒मप᳚ सेधत दुर्म॒तिम् ।
उ॒स्राः क᳚र्तन भेष॒जम् ॥
उ॒स्राः क᳚र्तन भेष॒जम् ॥
पदपाठः (Word-by-word)
ग्रावा᳚णः । अप᳚ । दु॒च्छुना᳚म् । अप᳚ । से॒ध॒त॒ । दुः॒॑म॒तिम् ।
उ॒स्राः । क॒र्त॒न॒ । भे॒ष॒जम् ॥
उ॒स्राः । क॒र्त॒न॒ । भे॒ष॒जम् ॥
सायणभाष्यम् (Sayana Commentary)
हे ग्रावाणः दुच्छुनां दुःखकारिणीं शत्रुभूतां प्रजामप सेधत। आस्मत्तोऽपगमयत। षिधु गत्याम्। तथा दुर्मतिं दुष्टाभिसन्धिं चाप सेधत। भेषजम् सुखमस्माकं यथा भवति तथोस्रा गा कर्तन। कुरुत। करोतेश्छान्द्सओ विकरणस्य लुक्। तप्तनप्त नथनाश्चेति तनबादेशः॥२॥