इ॒हेन्द्रा॒णीमुप᳚ ह्वये वरुणा॒नीं स्व॒स्तये᳚ ।
अ॒ग्नायीं॒ सोम᳚पीतये ॥
अ॒ग्नायीं॒ सोम᳚पीतये ॥
पदपाठः (Word-by-word)
इ॒ह । इ॒न्द्रा॒णीम् । उप᳚ । ह्व॒ये॒ । व॒रु॒णा॒नीम् । स्व॒स्तये᳚ ।
अ॒ग्नायी᳚म् । सोम᳚॑पीतये ॥
अ॒ग्नायी᳚म् । सोम᳚॑पीतये ॥
सायणभाष्यम् (Sayana Commentary)
इहास्मिन्कर्मणि स्वस्तयेऽस्माकमविनाशाय सोमपीतये सोमपानाय चेंद्रवरुणाग्नीनां पत्नीराह्वयामि ॥ इंद्राणीम् । वरुणानीम् । इंद्रवरुणेत्यादिना (पा ४-१-४९) पुंयोगे ङीष्प्रत्यय आनुगागमश्च । प्रत्ययस्वरः । अग्नायीम् । वृषाकप्यग्निकुसितकुसीदानामुदात्तः (पा ४-१-३७) इति ङीप् । तत्संनियोगेनेकारस्यैकार उदात्तः । सोमपीतये । असकृत्पूर्वोक्तं ॥ १२ ॥