अप्तोर्यामे होतुरतिरिक्त्योक्थ्ये जरमाणह् समिध्यस इत्यनुरूपस्तृचः। सुत्रितं च। जराबोध तद्विविद्धि जरमानः समिध्यसे। आ. ९-११। इति॥

हे हव्यवाहन हव्यानां प्रापयितः। हव्येऽनन्तः पादम्। पा. ३-२-६६। इति ञ्युट्। जरमाणः स्तोतृभिः स्तूयमानः। जरतिः स्तुतिकर्मा। स त्वं देवेभ्यो देवार्थं समिध्यसे। हविर्भिः सम्यग्दीप्यसे। तं तादृशं त्वा त्वां मर्त्या मनुष्येषु साधवो यजमाना ह्वन्त। आह्वयन्ति। ह्वयतेर्लङि बहुलं छन्दसीति सम्प्रसारणम्। ५॥