प्र वाता᳚ इव॒ दोध᳚त॒ उन्मा᳚ पी॒ता अ᳚यंसत ।
कु॒वित्सोम॒स्यापा॒मिति᳚ ॥
कु॒वित्सोम॒स्यापा॒मिति᳚ ॥
पदपाठः (Word-by-word)
प्र । वाताः᳚॑इव । दोध᳚तः । उत् । मा॒ । पी॒ताः । अ॒यं॒स॒त॒ ।
कु॒वित् । सोम᳚स्य । अपा᳚म् । इति᳚ ॥
कु॒वित् । सोम᳚स्य । अपा᳚म् । इति᳚ ॥
सायणभाष्यम् (Sayana Commentary)
दोधतो भृशं कम्पयमाना वाता इव वायवो यथा वृक्षादीनुद्यच्छन्ते तद्वत्पीताः सोमा मा मां प्रकर्षेणोदयंसत। उद्यच्छन्ते। यमेर्लुङि समुदाङ्भ्यो यमोऽग्रन्थे। पा. १-३-७५। इत्यात्मने पदम्। यस्माद्बहुवारम् सोममपाम्॥२॥