पञ्च᳚ प॒दानि᳚ रु॒पो अन्व᳚रोहं॒ चतु᳚ष्पदी॒मन्वे᳚मि व्र॒तेन᳚ ।
अ॒क्षरे᳚ण॒ प्रति᳚ मिम ए॒तामृ॒तस्य॒ नाभा॒वधि॒ सं पु᳚नामि ॥
अ॒क्षरे᳚ण॒ प्रति᳚ मिम ए॒तामृ॒तस्य॒ नाभा॒वधि॒ सं पु᳚नामि ॥
पदपाठः (Word-by-word)
पञ्च᳚ । प॒दानि᳚ । रु॒पः । अनु᳚ । अ॒रो॒ह॒म् । चतुः᳚॑पदीम् । अनु᳚ । ए॒मि॒ । व्र॒तेन᳚ ।
अ॒क्षरे᳚ण । प्रति᳚ । मि॒मे॒ । ए॒ताम् । ऋ॒तस्य᳚ । नाभौ᳚ । अधि᳚ । सम् । पु॒ना॒मि॒ ॥
अ॒क्षरे᳚ण । प्रति᳚ । मि॒मे॒ । ए॒ताम् । ऋ॒तस्य᳚ । नाभौ᳚ । अधि᳚ । सम् । पु॒ना॒मि॒ ॥
सायणभाष्यम् (Sayana Commentary)
रुपः यष्टृणां स्वर्गमारोपयितुर्यज्ञस्यांगत्वेन संबन्धीनि पंचसंख्याकानि धानासोमपशु- पुरोडाशाज्याख्यानि पदानि वृत्तिहेतुत्वेन देवान् प्रति गन्तॄणि हवींषि अन्वरोहं अनुरो- हामिशकटे युवयोः स्थापनवहनानन्तरं करणे करोमीत्यर्थः । किंच चतुष्पदीं चतुर्भिः पदै- र्युक्तां त्रिष्टुबादिछन्दसं क्रियां व्रतेन प्रयोगकर्मणा अन्वेमि अनुगच्छामि यथाकालं प्रयुन- ज्मीत्यर्थः । अक्षरेण प्रणवाख्येन एतामुपस्थितां प्रतिगरक्रियां प्रतिमिमे निर्ममे । अपिच ऋतस्य यज्ञस्य अधीति सप्तम्यर्थानुवादी नाभौ नाभिभूते वेद्याख्ये स्थाने संपुनामि सं- शोधयामि दशापवित्रेण सोमं संस्करोमीत्यर्थः ॥ ३ ॥