यं ते᳚ श्ये॒नश्चारु᳚मवृ॒कं प॒दाभ᳚रदरु॒णं मा॒नमन्ध᳚सः ।
ए॒ना वयो॒ वि ता॒र्यायु᳚र्जी॒वस᳚ ए॒ना जा᳚गार ब॒न्धुता᳚ ॥
ए॒ना वयो॒ वि ता॒र्यायु᳚र्जी॒वस᳚ ए॒ना जा᳚गार ब॒न्धुता᳚ ॥
पदपाठः (Word-by-word)
यम् । ते॒ । श्ये॒नः । चारु᳚म् । अ॒वृ॒कम् । प॒दा । आ । अभ᳚रत् । अ॒रु॒णम् । मा॒नम् । अन्ध᳚सः ।
ए॒ना । वयः᳚ । वि । ता॒रि॒ । आयुः᳚ । जी॒वसे᳚ । ए॒ना । जा॒गा॒र॒ । ब॒न्धुता᳚ ॥
ए॒ना । वयः᳚ । वि । ता॒रि॒ । आयुः᳚ । जी॒वसे᳚ । ए॒ना । जा॒गा॒र॒ । ब॒न्धुता᳚ ॥
सायणभाष्यम् (Sayana Commentary)
हे इन्द्र ते तुभ्यम् त्वदर्थं श्येनः सुपर्नः पक्षिराड्यम् सोमं पदा। वचन व्यत्ययः। पद्भ्यामाभरत्। दिवं सुपर्णो गत्वाय सोमं वज्रिण आरभत्। ऋ. ८-१००-८। इति निगमान्तरम्। कीदृशम् । चरुं शोभनं अवृकं बाधकरहितं अरुणमरोचमानमरुणवर्णं वा अन्धसोऽन्नस्य मानं यागद्वार निर्मातरम्। एनैतेनानेन सोमेन तुभ्यं दीयमानेन वयोऽन्नम् जीव्से जीवनायायुर्जीवितं च वि तारि। प्रादायि। तथैनैतेनैव सोमेन बन्धुता बन्धुसमूहो जागर। जाग्रत्प्रबुद्धः सन्वर्तते। जागतेर्लिटि छन्दसि वेति वक्तव्यम्। पा. ६-१-८-१। इति द्विर्वचनाभावः॥५॥