न॒ह्य᳚स्या॒ नाम᳚ गृ॒भ्णामि॒ नो अ॒स्मिन्र᳚मते॒ जने᳚ ।
परा᳚मे॒व प᳚रा॒वतं᳚ स॒पत्नीं᳚ गमयामसि ॥
परा᳚मे॒व प᳚रा॒वतं᳚ स॒पत्नीं᳚ गमयामसि ॥
पदपाठः (Word-by-word)
न॒हि । अ॒स्याः॒ । नाम᳚ । गृ॒भ्णामि᳚ । नो इति᳚ । अ॒स्मिन् । र॒म॒ते॒ । जने᳚ ।
परा᳚म् । ए॒व । प॒रा॒॑वत᳚म् । स॒॑पत्नी᳚म् । ग॒म॒या॒म॒सि॒ ॥
परा᳚म् । ए॒व । प॒रा॒॑वत᳚म् । स॒॑पत्नी᳚म् । ग॒म॒या॒म॒सि॒ ॥
सायणभाष्यम् (Sayana Commentary)
अस्याः सपत्न्या नाम संज्ञामपि नहि गृभ्णामि। नैव गृह्णामि। उच्चारयामि। नो खलु काचिदस्मिञ्जने सपत्न्याख्ये रमते। क्रीडति। अपि च ताम् सपत्नीं परां परावतमेवातिशयेन दूरदेशमेव गमयामसि। प्रापयामः। अतिशयेन भर्त्रा वियोजयाम इत्यर्थः॥४॥