च॒त्तो इ॒तश्च॒त्तामुत॒ः सर्वा᳚ भ्रू॒णान्या॒रुषी᳚ ।
अ॒रा॒य्यं᳚ ब्रह्मणस्पते॒ तीक्ष्ण᳚शृण्गोदृ॒षन्नि᳚हि ॥
अ॒रा॒य्यं᳚ ब्रह्मणस्पते॒ तीक्ष्ण᳚शृण्गोदृ॒षन्नि᳚हि ॥
पदपाठः (Word-by-word)
च॒त्तो इति᳚ । इ॒तः । च॒त्ता । अ॒मुतः᳚ । सर्वा᳚ । भ्रू॒णानि᳚ । आ॒रुषी᳚ ।
अ॒रा॒य्य᳚म् । ब्र॒ह्म॒णः॒ । प॒ते॒ । तीक्ष्ण᳚॑शृङ्ग । उ॒त्॑ऋ॒षन् । इ॒हि॒ ॥
अ॒रा॒य्य᳚म् । ब्र॒ह्म॒णः॒ । प॒ते॒ । तीक्ष्ण᳚॑शृङ्ग । उ॒त्॑ऋ॒षन् । इ॒हि॒ ॥
सायणभाष्यम् (Sayana Commentary)
सालक्ष्मीरितोऽस्माल्लोकाच्चत्तो चत्तैवास्माभिर्नाशितैवामुतोऽमुष्मादपि लोकाच्चत्ता हिंसिता भवतु। यालक्श्मीः सर्वा सर्वाणि भ्रूणानि गर्भजातानि सर्वासामोषधीनामङ्कुराणि या दुर्भिक्षाधिदेवतारुष्याहन्त्री भवति अराय्यम् दानविरोधिनीं तां हे ब्रह्मनस्पते मन्त्रपालयितर्देव हे तीक्ष्णशृङ्ग तीक्श्ण तेजस्क उदृषन्नस्मात्स्थानादुद्गमयन्निहि। गच्छ॥२॥