य॒ज्ञं च᳚ नस्त॒न्वं᳚ च प्र॒जां चा᳚दि॒त्यैरिन्द्र᳚ः स॒ह ची᳚कॢपाति ॥
पदपाठः (Word-by-word)
य॒ज्ञम् । च॒ । नः॒ । त॒न्व᳚म् । च॒ । प्र॒॑जाम् । च॒ । आ॒दि॒त्यैः । इन्द्रः᳚ । स॒ह । ची॒कॢ॒पा॒ति॒ ॥
सायणभाष्यम् (Sayana Commentary)
नोऽस्माकं यज्ञं ज्योतिष्टोमादिकं यागं तन्वं शरीरं च प्रजाम्। पुत्रादिकां चादित्यैरदितिपुत्रैरन्यैर्देवैः सह वर्तमान इन्द्रश्चीक्लृपाति। कल्पयतु। यज्ञादिकं स्वव्यापारसमर्थं करोतु॥२॥