ह॒त्वाय᳚ दे॒वा असु᳚रा॒न्यदाय᳚न्दे॒वा दे᳚व॒त्वम᳚भि॒रक्ष᳚माणाः ॥
पदपाठः (Word-by-word)
ह॒त्वाय᳚ । दे॒वाः । असु᳚रान् । यत् । आय᳚न् । दे॒वाः । दे॒व॒॑त्वम् । अ॒भि॒॑रक्ष᳚माणाः ॥
सायणभाष्यम् (Sayana Commentary)
देवा इन्द्रादयोऽसुरान् क्षेप्तॄन्वृत्रादीन्हत्वाय हत्वा विनाश्य यद्यदायन् आगच्छन् स्वकीयं स्थानं प्राप्नुवन् तदानीं ते देवा देवत्वमात्मीयममृतत्वमभिरक्षमाना अभितः सर्वतो रक्षन्तोऽभूवन्। बाधकाभवात्सर्वत्र प्रख्यापितवन्त इत्यर्थः॥४॥