अ॒भि त्वा᳚ दे॒वः स᳚वि॒ताभि सोमो᳚ अवीवृतत् ।
अ॒भि त्वा॒ विश्वा᳚ भू॒तान्य᳚भीव॒र्तो यथास᳚सि ॥
अ॒भि त्वा॒ विश्वा᳚ भू॒तान्य᳚भीव॒र्तो यथास᳚सि ॥
पदपाठः (Word-by-word)
अ॒भि । त्वा॒ । दे॒वः । स॒वि॒ता । अ॒भि । सोमः᳚ । अ॒वी॒वृ॒त॒त् ।
अ॒भि । त्वा॒ । विश्वा᳚ । भू॒तानि᳚ । अ॒भि॒॑व॒र्तः । यथा᳚ । अस᳚सि ॥
अ॒भि । त्वा॒ । विश्वा᳚ । भू॒तानि᳚ । अ॒भि॒॑व॒र्तः । यथा᳚ । अस᳚सि ॥
सायणभाष्यम् (Sayana Commentary)
हे राजन् देवो दानादिगुणयुक्तः सविता त्वा त्वामभ्यवीवृतत्। अभिवर्तयतु। अभिगमयतु राष्ट्रम्। सोमश्चाभिवर्तयतु। विश्वा विश्वानि सर्वाण्यपि भूतानि पृथिव्यादीनि त्वामभि वर्तयन्तु। यथा येन प्रकारेण त्वमभीवर्तोऽसि। अभितः सर्वत्र वर्तमानो भवसि। अस्तेश्छान्दसः शपो लुगभावः॥३॥