अ॒हं गर्भ᳚मदधा॒मोष᳚धीष्व॒हं विश्वे᳚षु॒ भुव᳚नेष्व॒न्तः ।
अ॒हं प्र॒जा अ᳚जनयं पृथि॒व्याम॒हं जनि᳚भ्यो अप॒रीषु᳚ पु॒त्रान् ॥
अ॒हं प्र॒जा अ᳚जनयं पृथि॒व्याम॒हं जनि᳚भ्यो अप॒रीषु᳚ पु॒त्रान् ॥
पदपाठः (Word-by-word)
अ॒हम् । गर्भ᳚म् । अ॒द॒धा॒म् । ओष᳚धीषु । अ॒हम् । विश्वे᳚षु । भुव᳚नेषु । अ॒न्तरिति᳚ ।
अ॒हम् । प्र॒॑जाः । अ॒ज॒न॒य॒म् । पृ॒थि॒व्याम् । अ॒हम् । जनि᳚॑भ्यः । अ॒प॒रीषु᳚ । पु॒त्रान् ॥
अ॒हम् । प्र॒॑जाः । अ॒ज॒न॒य॒म् । पृ॒थि॒व्याम् । अ॒हम् । जनि᳚॑भ्यः । अ॒प॒रीषु᳚ । पु॒त्रान् ॥
सायणभाष्यम् (Sayana Commentary)
अहं होतौषधीषु शाल्यादिषु फलार्थं गर्भमदधाम्। धारयामि। विश्वेषु सर्वेष्वन्येष्वपि भुवनेषु भूतजातेष्वन्तर्मध्येऽहमेव गर्भं धारयामि। तथा पृथिव्यां भूम्यां प्रजाः सर्वान्मनुश्यानहमजनयम्। जनयामि। जनिभ्यो जायाभ्योऽपरीष्टन्यास्वपि स्त्रीषु पुत्रानहमजनयम्। जनयामि। मत्साध्येन यागेन सर्वस्योत्पत्तेरहं सर्वजनहेतुर्भवामीत्यर्थः॥३॥